Funngyan.com (તડાફડી)

ઓર્કુટ પર “ધ અનિમેષ” નામે કોમ્યુનિટી છે:

“જો તમે ભુજના છો તો તમને અનિમેષનો પરિચય આપવાની જરુર નથી, પણ જે ભુજના નથી તેમના માટે અનિમેષ એટલે વન મેન “સાન્તા-બન્તા”. આપ આ કોમ્યુનિટીની પોસ્ટ વાંચશો એટલે અનિમેષ વિશે જાણી જશો.”

ઊઘડતે પાને આટલી પ્રસ્તાવના પછી સભ્યોએ અનિમેષના ટુચકા લખ્યા છે, જેમાંના ઘણા ‘સાન્તા-બન્તા‘માંથી તડફાવેલા હોય તેવું લાગે છે, છતાં કેટલાક મૌલિક કે પ્રાસંગિક છે. ચાલો માણીએ:

અનિમેષે નવું બાઇક લીધું, એક વાર જ્યુબીલી ગ્રાઉન્ડ પાસેથી બાઇક એક જ હાથે ચલાવતો આવતો હતો, ત્યારે એક ઠોલા (ટ્રાફિક પોલિસ) એ એને પકડ્યો અને પુછયું: “એક હાથે કેમ ચલાવે છે?”

અનિમેષે કહ્યું: “બાઇક વાળા એ કીધું છે કે બાઇક એક હાથે ચલાવશો તો લાંબો સમય ચાલશે.”

***

“આ જુઓને પેટ્રોલના ભાવ કેટલા વધી ગયા…”

અનિમેષ “એમા શું ફરક પડે, હું તો પહેલા પણ ૧૦૦નું પુરાવતો હતો અને અત્યારે પણ ૧૦૦નું જ પુરાવું છું.”

***

અનિમેષે ગધેડો પાળ્યો. એ ગધેડો અનિમેષના ઘરની બહાર હંમેશા ડોક વાંકી રાખી ને ઉભો રહે છે, શા માટે?

અનિમેષે એને હેન્ડલ લોક નખાવ્યું છે…

***

અનિમેષના ઘર પાસે ગાયો બહુ આવતી એટલે ઘરનું નામ “હી” રાખ્યું.

***

અનિમેષના ૩ છોકરા. વચલા છોકરાનું નામ છોટુ તો બાકી બે છોકરાનું નામ શું હશે?

છોવન (છો-૧)
છોટુ (છો-૨)
છોથ્રી (છો-૩)

***

“અનિમેષ તું આટલો મોટો થયો પણ તને દાઢી મુછ કેમ નથી?”

“શું કરું હું મમ્મી ઉપર ગયો છું…….!!!!!!!!!!!!!!!!!!”

***

અનિમેષના એક મિત્ર કહ્યું “ચાલ ચેસ રમવા”

અનિમેષ: “તું જા, હું સ્પોર્ટ્સ સુઝ પહેરીને આવું છું”

***

એકવાર અનિમેષ ડોક્ટર પાસે ગયો ને હહ્યું, સાહેબ ડોક ફેરવું તો ચરરર…. ચરરરર…. એમ અવાજ આવે છે. ડોકટરે બધું ચેક કર્યું પછી કે કે ભુજમાં તો આનો કોઇ ઇલાજ છે નહીં, એક કામ કરો અમદાવાદ જાઓ.

અનિમેષ અમદાવાદ ચેકઅપ માં ગ્યો ત્યાં પણ ચરરર…. ચરરરર…. નો ઇલાજ મળ્યો નહીં અને મુંબઇ જવાનું કહ્યું. મુંબઇમાં એક્ષપર્ટ ડોક્ટરે બધા ટેસ્ટ કરીને કહ્યું તમારો રોગ તો વિચિત્ર છે. ટેસ્ટમાં કાંઇ ખબર પડતી નથી લાગે છે હવે તમે બહુ જીવી શકશો નહીં એટલે એક કામ કરો મોજ કરો અને બધી ઇચ્છા પુરી કરો.

એટલે અનિમેષ પાછો ભુજ આવ્યો અને નક્કી કર્યું કે હવે જલસા જ કરવા છે. એટલે સૌથી પહેલા તો દરજી પાસે શુટ સીવડાવવા ગયો. દરજીએ માપ લઇને ક્હયું ગળાનું માપ 14 રાખું? અનિમેષે 12 રાખવાનું ક્હ્યું એટલે દરજી કે જો જો પછી કે’તા નહીં કે ચરરર…. ચરરરર…. અવાજ આવે છે…

***

ઓર્કુટ, ધ અનિમેષ કોમ્યુનિટી અને તમામ સભ્યોનો આભાર